Na Safr Ka Haq Ada Hua

mujhey apnay zabt pe naaz tha sar e bazm e rah ye kia hua

meri aank kaisay chalak gayi mujhay ranj ha ye bura hua

mero zindagi ke chiragh ka ye mizaaj koi naya nahi

abhi roshni abhi teergi na jala hua na bujha hua

mujhey aap kioon na samajh sakay ye khud apnay dil se poochiye

meri dastaan e hayat ka ha waraq waraq to khula hua

jo nazar bacha ke guzar gaye mere saamnay se abhi abhi

ye mere hi shehr ke log hain mere ghar se ghar ha mila hua

humain is ka bhi haq nahi ke shareek e bazm khaloos hon

hamaray paas naqaab ha na kutch aasteen main chupa hua

mere aik gosha e fikr main meri zindagi se aziz tar

mera ik aisa dost ha jo kabhi mila na juda hua

mujhey ik gali main para hua kisi bad naseeb ka kaht mila

kahin khoon e dil se likha hua kahin aansu.oon se mita hua

mujhey humsafar bhi mila koi tu shikasta haal meri tarah

kahin manzilon ka thaka hua kahin raastey ka ka luta hua

humain apnay ghar se chalay huay sar e rah umar guzar gayi

koi justajoo ka sila mila na safar ka haq ada hua