Mere Bad

Aaj Tanhai Nay Thora Sa Dilasa Jo Diya
Kitnay Roothay Huway Saathi Mujhay Yaad Ayay Hein
Mausm-e-Wasl Ki Kirnon Ka Woh Anbo-e-Rawan
Jis Kay Hamrah Kisi Zuhra Jabeen Ki Doli
Aisay Utri Thi K Jaisay Koi Ayat Utray
Hijr Ki Shaam Kay bhikray Huway Kajal Ki Laker
Jis Nay Aankhon Kay Gulabon Pay Shafaq Chirki Thi
Jaisay KHushboo Kisi Jungle Mein Barhana Thehray!!
Khalqat-e-Shehr Ki Janib Say Mulamat Ka Azaab
Jis Nay Aksar Mujhay " Honay " Ka Yaqeen Bakhsha Tha
Dast-e-Aadaa Mein Woh Khinchti Hui Tuhmat Ki Kaman
Barish-e-Sang Mein Khulti Hui Teeron Ki Dukan
Mehrbaan Dost , Rafaqat Ka Bharam RAkhtay Huway
Ajnabi Loog Dil-o-Jaan Mein Qadam Rakhtay Huway
Aaj TAnhai Nay Thora Sa Dilaasa Jo Diya
Kitnay Roothay Huway Saathi MUjhay Yaad Ayay Hein
Ab Na Pindar-e-Wafa Hay Na Muhabbat Ki Jaza
Dast-e-Aadaa Ki Kashish Hay Na Rafeeqoon Ki Saza
Takhta-e-Daar Na Mansb Na Aadalat Ki Khalish
Ub Tu Ik Cheekh Si Hontoon Pay Dabi Rehti Hay
Raas Ayay Ga Kisay Dasht-e-Bala Meray Baad ?
Kaun Mang ga [fail to remember :)] mere bad